Астанада ауа райы күрт бұзылды (видео)

18 шiлде 2017, 14:35

«Қазгидромет» РМК еліміздің басым бөлігінде ауа райы құбылмалы болатыны туралы ескерткен еді. Болжанғандай, бүгін Астанада да ауа райы күрт бұзылды.

Кешелі бері еліміздің әр өңірінде табиғи құбылыстар байқалып, ауа райы суытқаны белгілі. Қазір еліміз бойынша шілде айының бастапқы кездеріндегі аптап ыстық басылып, керісінше жауын-шашын молынан түсуде.

Осы орайда назарларыңызға BAQ.kz видеооператорының 19-қабатты ғимараттың үстінен түсірген бейнематериалын ұсынуды жөн көрдік.

Еске сала кетейік, кеше Өскеменде ауа райы күрт бұзылып, секундына 30 метрге дейін жететін жел соқты. Осының салдарынан ғимараттардың шатырлары ұшып, көліктерді ойрандады. Қазір дауыл мен жаңбырдан зақым келген аудандар туралы мəліметтер тексерілуде.