«Астана ЭКСПО — 2017» көрмесінің IT саласына қосар үлесі қандай?

Мемлекет басшысының бұйрығымен көрме барысында «Астана» халықаралық қаржы орталығы құрылады. Ол «жасыл» технологияның және IT саласының халықаралық даму орталығы.
«Астана ЭКСПО — 2017» көрмесі IT-технологияның дамытуға серпін береді. Мұндай пікірді «StrategyPartnersGroup» атты Ресейлік компанияның президенті Александр Ыдырысов «Время» газетіне шыққан «ЭКСПО-дан кейін не болады?» атты мақаласында келтірген болатын.
Александр Ыдырысовтың айтуынша, бұл мемлекеттік индустриалды даму бағдарламасына қатысты IT-орталықтың ашылуы дұрыс әрі уақтылы қабылданған шешім. Оның пікірінше Қазақстанда өткен жылы IT-саласында маңызды оқиғалардың болмағандығына бола шоғырланудың қажеті жоқ. «Алғашында бәрі сәтті бола бермейді. Көш жүре түзеледі. Уақыты келгенде кемел дайындықтың өсімімен кадр мәселесіндегі олқылықтардың орны толады. Сол үшін IT-саласында жаңа мүмкіндіктер қарастыруымыз керек. Сіздердің Назарбаев университетінің мүмкіндігі мол. Ол жыл сайын дайын мамандарды түлетіп отырады. Қазақстанның Ресей нарығына да өтуі керек. Бір экономикалық одақ мұны талап етеді », — деді А.Ыдырысов.
Қазақ Инфокоммуникация Академиясының президенті Шахмаран Сейілов Ресей сарапшысының пікірімен келісетінін білдірді. Оның айтуынша IT-орталығын құру үшін технологиялық ауысым жасап үйренуіміз қажет. Басқаша айтар болсақ әлемдегі бар идеяларды көшірсек ол бірте-бірте халықтың тұрмысына сіңісіп кетеді.
Айта кетейік «Астана ЭКСПО — 2017» көрмесінің басталуына екі аптадай уақыт қалды. Билеттер мен көрмеге қатысу қағаздары сатылымға шықты.