«Астана арландары» британдық қарсыластарын WSB жартылай финалында жеңді

WSB жартылай финалының екінші жекпе-жегінде рингке 64 келі салмақ дәрежесінде Ділмұрат Мижитов пен Конор Лофтус шықты, деп хабарлайды Sports.kz. Қазақстандық боксшы айқын басымдықпен қарсыласын жеңді, есеп — 3:0 (50:45, 50:45, 50:45). Осылайша жалпыкомандалық есеп — 3:0 болды, қазақстандық бокс командасы жарыс аяқталмай жатып жеңімпаз атанды. Еске сала кетсек, жартылай финалға дейін ҚазАқпаратқа сұхбат берген «Астана арландарының» бапкері Нұрлан Сәкенұлы финалға шығарда ұлттық құрама спортшыларын көмекке шақыратынын атап өткен болатын.