Әскери қызметтің қауіпсіздігі — басты назарда

Мемлекет басшысы Қасым-Жомарт Тоқаев Парламент палаталарының бірлескен отырысында «Әділетті Қазақстан: құқық тәртібі, экономикалық өрлеу, қоғамдық оптимизм» атты Қазақстан халқына арнаған Жолдауын жариялады. Жолдауда өте маңызды мәселелер көтерілді. Сонымен қатар әскери құрылымдардағы тәртіпке басты назар аударды. «Әскер қатарында заң мен тәртіптің сақталуы – айрықша маңызды міндет. Жастар әскерге Отан алдындағы борышын өтеуге барады. Жас сарбаздарымыз өз міндетін алаңсыз орындауы үшін әскер қатарында, ең алдымен, темірдей тәртіп болуға тиіс. Қарулы күштер мен басқа да күштік құрылымдар осы талапты мүлтіксіз орындауы қажет. Әр ата-ана әскерге кеткен баласын мемлекетке сеніп тапсырады. Сондықтан сарбаздардың денсаулығы мен қауіпсіздігіне, ең алдымен, армия басшылығы және құқық қорғау мекемелерінің басшылары жауапты», — дей келе әскердегі тәртіп пен заңның сақталуына назарды баса аударды. Мемлекет басшысының бастамаларын толық қолдай отырып, Мен басқарып отырған ҚР ҰҰ «Оңтүстік» ӨңҚ 3650 әскери бөлімінде әскердегі заңдылық пен құқықтық тәртіптің сақталуын, әскери қызметтің қауіпсіздігі әрқашан басты назарда болатынын атап айтқым келеді.

ҚР ҰҰ «Оңтүстік» ӨңҚ 3650 әскери бөлім командирі
М.Есболатов, подполковник