Бүгін Үкімет отырысынан кейінгі баспасөз мәслихатында ауыл шаруашылығы министрі Айдарбек Сапаровқа «пияз қымбаттай ма», «жылқы еті қымбаттай ма» деген сауалдар қойылды.
Екі сауалға да министрдің жауабы біреу: қымбаттамайды.
«Былтыр ішкі нарықта пиязға тапшылық болғаны бәріңізге мәлім. Сол себептен бағасы жоғары болды. Маусымаралық кезде 500 теңге дейін барды. Енді биыл ауылшаруашылығы өнімдерін өндірушілермен бірнеше жиналыс өткізіп, Индонезия, Пәкістан, Үндістан сияқты елдер өте көп егін жинайтынын айттық. Пияз тапшы болмайды. Сондықтан біз алдын ала контракцацияны форвард арқылы жасау керегін айттық. Жаздан бастап маусымаралық кезді күтпей, бағаның өсуі болмайды», — деді А.Сапаров.
Министрдің айтуынша, қазір жылқы шаруашылығы жақсы дамып жатыр. Елімізде 4 млн бас жылқы бар. «Осыған байланысты жылқы еті қымбаттамайды», — деді министр.
JQ-Aqparat