Аса ірі пара алған шенеунік Грузиядан елге экстрадицияланды (Видео)

19 қантар, 14:20

Мемлекеттік кірістер органының бұрынғы қызметкері Грузиядан экстрадицияланды. Ол аса ірі көлемде пара алды деген күдікпен, халықаралық іздеуде жүрген азамат. Бұл туралы Бас прокуратураның баспасөз қызметі мәлімдеді.
Күдікті 2022 жылдың қаңтар-тамыз айлары аралығында Қазақстан-Ресей шекарасындағы өткізу пункті арқылы ауыр жүк көліктерінің кедергісіз өтуіне көмек көрсеткені үшін кәсіпкерлік субъектілерінен 37,5 млн теңге көлемінде пара алған. Қылмысты жасағаннан кейін күдікті тергеуден жасырынып, халықаралық іздеуге жарияланған. 2023 жылдың қазан айында ол Грузияда ұсталды. Қазіргі уақытта күдікті тергеу изоляторына қамауға алынды. Айып тағылып отырған қылмысы үшін мүлкі тәркіленіп, белгілі бір лауазымдарды атқару құқығынан өмір бойына айыра отырып, он жылдан он бес жылға дейінгі мерзімге бас бостандығынан айыру түріндегі жаза көзделгенін еске саламыз.