Қарттарым, аман-сау жүрші!

Қарттар күніне орай, Атырау облысы Қазақстан халқы Ассамблеясы жанындағы Жастар қанаты ұйымы жергілікті «Отбасы үлгісіндегі балалар ауылы және жасөспірімдер үйінің» тәрбиеленушілерімен бірлесіп, облыстық «Қарттар үйінде» кездесу өткізді. 

«Мақсат – кейінгі буынды үлкенді сыйлауға, құрмет көрсетуге, отбасылық құндылықтарды сақтауға үндеу» дейді шараны ұйымдастырушылар.

Айта кетелік, қарттар үйінде қазір 99 адам тұрып жатыр. Сыйымдылығы 150 орынға шақталған қарттар үйінің 39-ын атыраулықтар, қалған бөлігін Мақат, Жылыой, Исатай аудандарынан келген қариялар құрайды. Мекеме директоры Қилымқас Күзембаеваның айтуынша, қазір интернатта табысқан төрт жұп тұрып жатыр.

Баян ЖАНҰЗАҚОВА