Қарағандыда қаржы пирамидасы 800-ге жуық адамның ақшасын қайтара алмай отыр

Прокурорлар Қарағандыда қаржы пирамидасын құрған әйелді 10 жылға бас бостандығынан айыруды сұрап отыр. Астана, Қарағанды және Теміртау қаласының 752 тұрғыны «Optovka» деп аталатын қаржы пирамидасының құрбанына айналып отыр.

Прокуратураның пікірінше, талай жанды сан соқтырып кеткен Елена Колесникова алдағы он жылын қауіпсіздігі орташа саналатын колонияда өткізуі тиіс.

Прокурор Саржан Сабырдың айтуынша, ҚР Қылмыстық кодексінің 217 бабына сәйкес, әйелдің кінәсі толық дәлелденіп отыр.

Ал алаяқтың құрбаны болған 752 адамның арасында ондаған адам Колесникова жұмысындағы уақытша қиындықтардың кесірінен ақшаны қайтара алмай отыр деп санайды. Дағдарыс жағдайынан шыққан жағдайда фирма табысымызды еселеп қайтарар еді дейді олар. Алайда құрбан болғандар пайыздық үстеме түгілі, өздері салған ақшаны қайтара алмаған.

Stan.kz