Араққа сылқия тойған жігіт, туған анасын өлтіріп тастады

22 маусым 2017, 20:42

Қызылорданың 30 жастағы тұрғыны туған анасын өлтіріп тастады. Бұл туралы NUR.KZ сайты хабарлады.

Қайғылы оқиға 30 наурыз күні орын алған. Ер адам дүкеннен екі бөтелке арақ алып, көлікжай маңында ішкен.

Үйіне оралғанда анасы екеуінің арасында жанжал туындайды. Әйел адам баласының ішіп алған түріне ашуланған. Араққа сылқия тойған ұлы оның сөзін көтере алмай, ас үй пышағын бірнеше рет сілтеп жібереді. Егде жасқа келген әйел алған жарақаты салдарынан оқиға орнында көз жұмды.

Жақын күндері Қызылорда облысының соты қанішерді 10 жылға бас бостандығынан айырды. Ол жазасын қатаң режімдегі түрмеде өтейтін болады.