Әнші Адэми отбасылы еркекпен қарым-қатынасы туралы ашық айтты

Италиялық әншімен көңіл қосып, көп ұзамай түрік кәсіпкерімен көңіл жарастырған әнші Адэми талай жігіттің жүрегін жаралаған. Тіпті, олардың қатарында отбасылы еркектер де бар көрінеді. Әнші бір үйлі-баранды азаматпен біраз уақыт бойы кездесіп жүргенін ашық айтты.

Бұл туралы НТК арнасының “Ревю” бағдарламасына сілтеме жасап Stan.kz хабарлайды.

“Мінсіз адам болып көрінгенді ұнатпайпын. Иә болды, жасырмаймын. Бірақ Құдайға шүкір, барлығын дер кезінде тоқтаттым. Сондықтан ешкімнің отбасын бұзған жоқпын. Өзім де тұрмысқа шыққым келеді, күйеуімнің көзіме шөп салғанын қаламас едім”, – дейді Адэми.

Есесіне бұл сұрақты естіген Анара Батырханның төбе шашы тік тұрды.

“Жоқ, ондай болған емес”, – деп ашуланған актриса артынша ойын жинақтап, отбасылы ерлерден ыңғайсыз ұсыныстар түскенін жайып салды.

“Әйелің бар емес пе, менің артымнан неге жүресің? Болашағымыз жоқ” деп ашығын айттым. Тіпті, махан хабарласуды қойсын деп “нашар әйел боламын” деп қорқыттым”, – дейді Анара.