Қанат Исламның келесі қарсыласы «Канеломен» жұдырықтасқан америкалық болуы мүмкін

Америкалық боксшы Джеймс Киркленд Қанат Исламның келесі қарсыласы болуы мүмкін.

Бұл туралы Nelson Promotions компаниясының өкілдері Қанат Ислам Норберто Гонсалесті жеңгеннен кейін жариялады. Олар биыл күзде жекпе-жек өткізуі мүмкін екен.

Джеймс Киркленд мексикалық Сауль «Канело» Альвареспен жұдырықтасып, одан нокаутпен жеңілген болатын. Олардың жекпе-жегі 2015 жылдың 5 мамырында өткен. Америкалық кәсіпқой бокста ол 34 жекпе-жек өткізіп, оның 32-сінде жеңіске жеткен және екеуінде жеңіліс тапқан.

Еске салайық, 27 мамыр күні Қанат Ислам қарсыласы Норберто Гонсалесті ұпай айырмасымен жеңіп, екі бірдей титул жеңіп алған болатын: WBO NABO және WBA Inter-Continental.

Baq.kz