Америкада аса ірі банк тақырға отырды

АҚШ-та активтері бойынша 16-шы орында тұрған Silicon Walley банкі қаржылық қиындық кесірінен банкротқа ұшырады.
Әлемдік ақпарат құралдары хабарлағандай, технологиялық стартаптарды қаржыландыратын банк кеше құнды қағазбен жасаған операцияның сәтсіз аяқталғанын мәлімдеді. Іле-шала салымшылар жаппай өз ақшасын ала бастаған. Осыдан кейін 2,5 млрд долларға қосымша акция сатуға шығарылды.
Бірақ бұл да банкке көмектеспеді. Бүгін Silicon Walley банкротқа ұшырағанын жария етті. Сарапшылар бұған АҚШ Федералдық резерв жүйесінің несие мөлшерлемесін өсіруі ықпал етуі мүмкін деген болжамды алға тартуда.

JQ -Ақпарат