Amanat партиясының экс-мүшесі 7 жасар ұлды зорлады деген күдікке ілінді

20 тамыз 2024, 11:06

Жетісу облысында Amanat партиясының өкілі педофилия бойынша күдікке ілінді. Партияның Ақсу ауданы филиалының экс-басшысы жеті жасар ер баланы зорлады деп айыпталды.

KTK телеаранасы хабарлағандай, Amanat партиясы оның бірінші тамызда өз еркімен жұмыстан кеткенін мәлімдеп үлгерді. Полиция да тергеудің басталғанын растағанымен, күдіктіні атаған жоқ. Ал 40 жастағы азаматтың үстінен жәбірленушінің анасы шағым түсіріпті.

Ақсу ауданы ПБ баспасөз қызметі: — Ақсу ауданының полиция бөлімі кәмелетке толмаған балаға қатысты жыныстық сипаттағы зорлық фактісі бойынша сотқа дейінгі тергеуді бастады. Күдікті ұсталып, уақытша ұстау изоляторына қамалды. Қажетті сот-медициналық сараптамалар тағайындалып, тергеу жүргізіліп жатыр. Тергеу шеңберінде басқа деректер Қылмыстық іс жүргізу кодексінің 201-бабына сәйкес жариялауға жатпайды.