Алматыдан Сирияға жиһадқа аттанып кетпекші болған жігіт сотталды

02 тамыз 2017, 16:05

Сириядағы қарулы жиһадқа аттанбақшы болған Алматы қаласының тұрғыны алты жылға бас бостандығынан айырылды.

Бұл туралы қалалық соттың баспасөз қызметі хабарлады.

Құқық қорғау органдары ер адамның “салафизм” радикалық діни бағытын ұстанатынын анықтаған. Ол жасырын трүде Қырғызстан және Түркия шекарасын кесіп өту арқылы “Джабхат ан-нусра” террористік ұйымының қатарына қосылмақшы болған.

Сот үкімі бойынша ол Қылмыстық кодекстің 257 бабы бойынша айыпталып, 6 жылға сотталған және қылмыскердің мүліктері де тәркіленген.

stan.kz