Алматыдағы өрттен бір адамды күйік шалды

Алматыда Алатау базарындағы өртті ауыздықтау кезінде ер адамды күйік шалды. Бұл туралы қалалық ТЖД ресми өкілі Сандуғаш Баймұхамбетова айтты.

«22 жастағы ер адам жедел жәрдем көлігімен облыстық ауруханаға жеткізілді», — деді С.Баймұхамбетова. Оның мәлімдеуінше, Алатау ауданы «Солтүстік айналма жолы, 8» мекенжайындағы өрт туралы хабарлама таңғы 8:35-те түскен болатын. Оқиға орнына жеткен өрт сөндірушілер 09:06-да тілсіз жауды ауыздықтап үлгерді. Соның арқасында жапсарлас орналасқан бутиктерді жалын шарпыған жоқ. Тілсіз жау екі контейнердегі тұрмыстық заттарды жарамсыз етіп, 60 шаршы метр аумақты шарпыған.

ҚазАқпарат