Алматыда туысын өлтірген әйел ұсталды

23 шiлде, 17:27

Алматыда кісі өлтірді деген күдікке ілінген әйел ұсталды.

Polisia.kz. хабарлағандай, кешкі сағат 17:00 шамасында аса ауыр қылмыс жасалған. Алмалы ауданындағы үйлердің бірінің кіреберісінде денесінде пышақ жарақаттары бар ер адамның мәйіті табылды.

«Бұл қылмыс “ізін суытпай” ашылды. Адам өлтірді деген күдікпен “Боран-065” патруль полициясының экипажы әйел адамды ұстады. Өлтірілген ер адам оның туысы болып шықты. Екеуінің арасындағы кикілжің осындай қайғылы жағдайға әкеп соққан. Кісі өлтіру дерегі бойынша қылмыстық іс қозғалды. Сараптамалар тағайындалды. Басқа да мән-жайлар анықталады», – деді Алмалы аудандық полиция басқармасының бастығы Олжас Шәріпов.

JQ-Aqparat