Алматыда тәртіп сақшылары екі баланы өлтірген күдіктіні қолға түсірді

Алматы ІІД жедел уәкілдері Алматыда екі бүлдіршіннің өмірін қыршынынан қиған 29 жасар Өзбекстан азаматы болған күдіктіні қолға түсірді, деп хабарлайды patrul.kz.

Ер адам өткен күндері іс-түссіз жоғалып кетті деп іздеу салынған балалардың анасымен бірге құрықталды.

«Бұл қылмыстың себептері мен мән-жайын анықтауға бағытталған процессуалдық және тергеу амалдары жүргізілуде. Қазіргі таңда ер адам өз кінәсін мойындап отыр. Тергеу жұмыстары жан-жақты және толық болу үшін сотқа дейінгі шаралар аясында барлық сараптамалар мен басқа да зерттеулер тағайындалды»,- деп баяндады Алматы қ. ІІД Тергеу басқармасының бастығы, полиция подполковнигі Рустам Абдрахманов.

Сонымен қатар полицейлер әйелдің үлкен ұлын да тапты. Баланың денсаулығын тексеру үшін ол ауруханаға жатқызылды.