Алматыда орташа айлық жалақы 454 мың теңгені құрады

05 маусым 2024, 12:44

Алматы әкімдігінің хабарлауынша, мегаполисте орташа айлық жалақы 16,4 пайызға өсіп, 454 мың теңгені құрады.

Қала экономикасы басқармасында алматылықтардың әл-ауқатын жақсарту бойынша қабылданып жатқан шаралар туралы да айтылды. Ағымдағы жылдың сәуір айында жылдық инфляция наурыз айында 9,7% — дан 9,1% — ға дейін баяулады. 2024 жылы жылдық инфляция одан әрі 7-8% — ға дейін баяулайды деп болжануда.

Қалада тұрақты жұмыс орындарына баса назар аудара отырып, жаңа жұмыс орындары құрылуда. Жыл басынан бері 19,5 мың жұмыс орны құрылды (биылғы жоспар – 87 мың), оның 61% – ы тұрақты. Бұл ретте, қабылданып жатқан шаралардың арқасында жұмыссыздық деңгейі – биылғы жылдың бірінші тоқсанында 4,7% — ға дейін төмендейді.