Алматыда қоғамдық көлікте жол жүру ақысы 20 теңгеге көтерілуі мүмкін

Алматыда қоғамдық көлікте жол жүру ақысын 20 теңгеге көтеру және қолма-қол жол жүру ақысын алып тастау мүмкіндігі қарастырылуда. Бұл туралы Ашық НҚА порталында жарияланған қала әкімдігінің қаулысының жобасынан белгілі болды.

Қалалық мобилділік басқармасы хабарлағандай, 80 теңгелік тариф 2011 жылдан бері өзгермеді, тек былтыр ғана 20 теңгеге өсті. Қазір Алматыда қоғамдық көліктегі тарифтің құны қолма-қол ақшасыз тәсілмен төлеген кезде 100 теңге, ал қолма-қол төлеген кезде 200 теңге мөлшерінде белгіленген.

«Қала тасымалдаушылары қолданыстағы тариф тасымалдаушылардың автобус сатып алуға, жаңартуға және уақытылы қызмет көрсетуге, сондай-ақ жүргізушілердің жалақысын көтеруге жұмсаған шығынды өтемейді деп бірнеше рет мәлімдеді. Тасымалдаушыларға және жергілікті бюджетке жүктемені ішінара азайту мақсатында қалалық қатынастарда жолаушылар мен багажды автомобильмен тұрақты тасымалдауға тариф белгілеу туралы қала әкімдігі қаулысының жобасы дайындалды. Жоба жол жүру тарифін 120 теңгеге дейін көтеруді көздейді. Тиісінше, азаматтардың жеңілдетілген санаттары үшін жол жүру құны тарифтің 50%-ы болады», — делінген басқарманың хабарламасында.

Сурет: Алматы қаласының әкімдігі

JQ-Aqparat