Алматыда “Қазавиақұтқару” бас директоры пара алып жатқан жерінен ұсталды (видео)

17 шiлде 2017, 12:10

Алматыда “Қазавиақұтқару” АҚ бас директоры Мәлік Досымбеков ұсталды. Бұл туралы жемқорлыққа қарсы күрес ұлттық бюросының баспасөз қызметі хабарлайды.

“13 шілдеде құны 12 миллион доллар тұратын МИ-171Е” тікұшағын алу мақсатында келісім-шартқа қол қою үшін шетелдік компания басшысынан 50 мың доллар пара алғаны үшін ҚР ІІМ ТЖД “Қазавиақұтқару” АҚ бас директоры Мәлік Досымбеков және “Қазавиаорманорғау” РМҚК бас директоры Төлеуғазы Сексенбаев қолға түсті”, – делінген хабарламада.

Ұлттық бюро мәліметі бойынша, параның жалпы көлемі 100 мың доллар. Қазір күдіктілер қамауға алынып, сотқа дейінгі тексеру басталып кетті.