Алматыда автобус жүргізушілері жолаушылардың көзінше жаға жыртысты (видео)

12 тамыз 2017, 7:19

Алматы қоғамдық көлігінде тағы тау! №16 бағыттағы автобус салонында араздасып қалған қос автобус жүргізушісі жолаушылардың көзінше төбелесіп қалды.

«№16 және №48 бағыттағы автобус жүргізушілері арасындағы кикілжің Жұмалиев көшесінде басталды. Алдымен қос автобус жарысты. Төле би-Байтұрсынов көшелерінің қиылысына келгенде қоғамдық көлік жол ортасына тұрып, жеңіл автокөліктерге кедергі жасады. Сол сәтте қос жүргізуші төбелесіп қалды. Оқиға жолаушылардың көз алдында болды. Ал өздерін ұстай алмаған жүргізушілерді кондукторлар ажыратты», – деп мәлімдеді №48 автобус жолаушысы Әсел Дүйсенбаева.

Ал автопарк басшылығы төбелескен жүргізушілерді жұмыстан шығаратынын айтты.