Алматыда арнайы операция барысында полиция полковнигі ұсталды

ҰҚК-мен ІІМ бірлесіп арнайы операция жүргізіп нәтижесінде ұйымдасқан қылмыстық топтың жетекшілері мен белсенді мүшелері және полиция полковнигі ұсталды деп хабарлайды ҰҚК баспасөз қызметіне сілтеме жасап NUR.KZ.

Ұлттық қауіпсіздік комитеті Ішкі істер министрлігімен бірлесіп, 2017 жылғы 29 мамырдан 30 мамырға қараған түні Алматы қаласында кәсіпкерлерден ақшалай қаражатты қорқытып алумен, Қазақстан Республикасының Мемлекеттік шекарасы арқылы ҚХР-дан контрабанда арналарын ұйымдастырумен айналысқан ұйымдасқан қылмыстық қоғамдастық (бұдан әрі – ҰҚҚ) әрекетінің жолын кесу бойынша арнайы операция бастады.

Жедел-іздестіру іс-шараларын жүргізу барысында қылмыстық қоғамдастықтың жетекшілері мен белсенді мүшелері ұсталды, олардан едәуір көлемде атыс қаруы мен оқ-дәрілер алынды.

Сонымен қатар, көрсетілген ҰҚҚ жетекшілерімен байланысы бар Алматы қаласы ІІД Әуезов АІІБ-ның бұрынғы бастығы полиция полковнигі Б.Қасабеков ұсталды.

Тергеу нәтижелері туралы қосымша хабарланатын болады.