Алматыда алаяқтардың автоматты телефон станциясы табылды (Видео)

14 тамыз 2024, 12:05

Алматыда алаяқтардың автоматты телефон станциясы жұмыс істеп тұрған. Қалалық Cyberpol криминалдық полициясы ІІМ-нің киберқылмысқа қарсы орталығымен бірлесіп жүргізген Antifraud арнайы операциясы кезінде осы АТС-ті әшкереледі.

Poiisia.kz хабарлағандай, Павлодардан келген 30 жастағы азамат жалдаған кеңседен 512 слот бар SIM-box және 1620 SIM-карта табылған.

Алматы ПД криминалдық полиция басқармасының басшысы Мақсат Қанапияев: «Бұл құрылғыны интернет алаяқтар түрлі интернет-сервистер мен мессенджерлерді активациялау үшін қолданады. Сол арқылы аккаунттарды тіркеп, басқа елде отырып Қазақстандағы тұрғындарға қоңырау шалған», — деді.
Ал әлгі ұсталған адам осы құрылғыны қосып, оқтын-оқтын слоттағы SIM-карталарды ауыстырумен айналысқан.