Алматыда 29 адам пәтерін мәжбүрлі түрде босатты

03 сәуiр 2018, 12:24

Алматыда 29 адам баспаналарын мәжбүрлі түрде босатты.

Бұл туралы бүгін Өңірлік коммуникациялар қызметінде өткен баспасөз мәслихаты барысында қалалық Тұрғын үй және тұрғын үй инспекциясы басқармасының бөлім басшысы Әміров Ермек айтты. «2017 жылы толық инветаризация кезінде 29 адам пәтерінен шығарылды. Себебі, тұрғын үй қорынан пәтер берілгенде олармен келісімшарт жасалады. Сол шарттарға сәйкес олар бірнеше ай қатарынан жалға алу төлемін төлемеген. Сонымен қатар, өздері басқа жерден пәтер сатып алған. Сондай-ақ, әкімдіктен жалға алып, субарендаға берген азаматтар сот арқылы пәтерін босатты. Бұл жұмыс биыл да жалғасатын болады», — деді Ермек Әміров. Айта кету керек, Алматыда былтыр тұрғын үй қорынан 6 мыңға жуық пәтер берілген.

ҚаАқпарат