Алматыда 25 азаматқа жоқ пәтерлерді жалға берген алаяқ ұсталды

Алматыда 25 азаматқа жоқ пәтерлерді жалға берген күдікті құрықталды. Polisia.kz. хабарлағандай, ол танымал сайтқа пәтерді жалға беру туралы хабарландырулар жариялаған.
Шаршы метрлерді нарық бағасынан төмен бағаға “жалдауға” ынталылар жеткілікті болды.
– Қазіргі уақытта полицияға жәбірленушілерден 25 арыз келіп түсті. Өздеріне ұнаған пәтерді алу үшін екінші деңгейлі банк карталары арқылы алдын ала ақша аударған. Ақшаны алғаннан кейін “кәсіпкер” адам байланысқа шығуын тоқтатты. Ол жедел-іздестіру іс-шаралары барысында ұсталып, қамауға алынды. Жоғарыда аталған қылмыстық эпизодтардың барлығы бір өндіріске біріктіріліп, алаяқтық дерегі бойынша Әуезов аудандық ПБ-да қылмыстық іс тергеліп жатыр, – деді Алматы қалалық ПД криминалдық полиция басқармасының бастығы Мақсат Қанапяев.
Өзге ақпарат тергеу мүддесіне орай жария етілмейді.

JQ-Aqparat