Алматыда 2 жасар бүлдіршін жоғалып кетті

Алматыда 2 жасар бүлдіршін ойнап жүрген жерінен жоғалып кетті, деп хабарлайды ҚазАқпарат тілшісі.

Қалалық ІІД баспасөз қызметінің хабарлауынша, Шаңырақ шағын ауданы тұрғыны хабарласқан. Отбасы далада ойнап жүрген 2 жастағы баласын таппай қалған. Есімхан Аниздің анасы түскі 11-ден бастап оны іздей бастаған. «Үйде барлығы ұйықтап жатқан. Бала сыртқа шығып кеткен. Жақындары баланы жан жақтан іздеген. Қазір арнайы іздестіру тергеу тобы құрылды», — деді ІІД өкілі Салтанат Əзірбек. Баланың бойы 70-80 см, шашы қара, көздері қара. Үстінде ақ күрте, аяғында көк аяқ киім болған. Оны іздеуге қазір Алматы полициясының гарнизоны жұмылдырылды. Полиция Есімхан Анизді көрген адамдар болса 227-55-00; 227-55-01; 227-55-02 227-55-39, 8-707-470-17-01, 8-775-225-79-76, 8-778-468-95-08, 8-702-284-11-13, 8-702-561-15-98 немесе 102 телефондарына хабарласуды сұрайды.

ҚазАқпарат