Алматыда 1-9 сынып оқушылары үшін сабақ тоқтатылады

Алматыда ұзақ уақыттан бері алғаш рет 1-9 сыныптардың оқушылары үшін сабақтар тоқтатылады, — деп хабарлайды Tengrinews.kz Алматы қаласының Білім басқармасына сілтеме жасап.

«2018 жылдың 26 қаңтарында ауа температурасының 25 градустан төмен болуы салдарынан Алматы қаласы мектептерінде мектепке дейінгі және 1-9 сыныптарда сабақтар тоқтатылады», — деп хабарлады Білім басқармасындағылар. Осыған дейін Қазақстанда 45 градусқа дейін аяз болатыны хабарланған еді. Синоптиктердің мәліметінше, 22-26 қаңтар аралығында Ақмола, Солтүстік Қазақстан, Павлодар, Қарағанды, Шығыс Қазақстан облыстарында қатты аяз түнде -35-40 градус, 24-26 қаңтарда өте қатты аяз -45 градус, күндіз -27-32 градус, кей жерлерде -35 градус аяз болады. 22-26 қаңтар аралығында Қостанай облысында қатты аяз түнде -33-38 градус, күндіз -20-25 градус күтіледі. Астанада 23-26 қаңтар аралығында қатты аяз түнде -35-40 градус, күндіз -27-32 градус аяз болуы мүмкін.