Алматыдағы университетте пәк студент қыздардың тізімі тарап кетті. Саясат Нұрбек не деді?

14 ақпан 2024, 12:25

Алматыдағы ЖОО-дың бірінде студент қыздардың жариялауға жатпайтын жеке деректері тарап кетті.

Qumash Телеграм-каналы жазғандай, әлдекім 190 адам тіркелген старосталардың WhatsApp-тобына студент қыздардың 4 құжатын салып жіберген. Оның ішінде аты-жөні, ЖСН, ұялы телефон номері мен медициналық деректерін айтпағанда, кімнің вирго (қазақша айтқанда, пәк) екендігі туралы мәлімет те бар көрінеді.

Qumash Телеграм-каналы

Бұл мәселеден ғылым және жоғары білім министрі Саясат Нұрбектің хабары бар болып шықты. Ол кінәлілерді анықтаған соң, заң аясында жауапқа тартылатынын мәлімдеді. Өйткені елімізде жеке деректерді қорғау туралы заң бар. Бірақ министрдің айтуынша, бұған қатысты әкімшілік жаза қолданылуы мүмкін.

JQ-Aqparat