Бүгін Алматы әкімі Ерболат Досаев Әуезов ауданы тұрғындарымен кездесу өткізді. Tengrinews.kz жазғандай, бір азамат сыйлығын ала келіпті.
«Біріншіден, электр есептегіштері 141-ден 115 мыңға дейін төмендегені үшін, үш фазалы есептегіш, бір фазалы есептегіш үшін алғысымды білдіремін. Қыркүйекте ғана 90 млн теңгеден аса қаржы үнемделген. Автобус жолағын жасадыңыз, мен сізге өтініш айтқан едім, ол үшін де рақмет. Ақжар және Шұғыла шағын аудандарында көшелер ұзарды, тұрғындардан ерекше алғыс. Сондай-ақ бұл аумақта орталықтандырылған су құбыры мен кәріз болады. Әр мәселеге қызығушылық таныттыңыз», – деді қала тұрғыны.
Сөйтіп ол Ерболат Досаевтың суреті мен оның шешкен мәселелерінің иллюстрациясын естелік сыйлық ретінде табыстады. Әкім сыйлықты әзілмен қабылдады. «Сыйлық? Маған ба? Мені Антикор алып кетсе ше? Сыйлыққа рақмет, әйеліме сыйлаймын», — деп күлді Досаев.
JQ-Aqparat