Алматы облысы: тойда атыс қаруын қолданғандар қамауға алынды (Видео)

9 маусымда Алматы облысы Еңбекшіқазақ ауданы Түрген ауылында атыс қаруын қолданумен байланысты оқиға болған болатын. Egovpress телеграм каналы жазғандай, тәртіп бұзғандардың арасында Алматыда танымал блогер Заир Рзаев болған.

Жедел-іздестіру іс-шараларының барысында облыстық ұйымдасқан қылмысқа қарсы күрес басқармасының қызметкерлері мен жылдам қимылдайтын арнайы жасағының жауынгерлері барлық құқық бұзушыларды ұстап, уақытша ұстау изоляторына қамауға алды, — деп хабарлады Polisia.kz телеграм каналы.

Фото: t.me/kozachkow

Атыс қаруын қолданған бұзақылық фактісі бойынша полициямен қылмыстық іс қозғалды. Қарулар тиісті сараптамаға жолданды. Тергеу барысы басшылықтың жеке бақылауында.

JQ-Aqparat