Алматы метросы неге тоқтады? (Видео)

26 қантар, 12:02

Бүгін әлеуметтік желіде метро жұмысын күткен қалың жұрттың видеосы тарады. Желі қолданушылары метро жұмысының тоқтауын, түнде сезілген жер дүмпуімен байланыстырып жатты. Көп ұзамай Алматы метрополитені болған жағдайды түсіндірді.

«Алматы метрополитені штаттық режимде жұмыс істеп тұр. 26 қаңтар таңғы уақытта Райымбек бекетінде ақпараттық байланыс желісінің жұмысында ақау табылуына байланысты метро пойыздары қолмен басқару режиміне ауыстырылды. Осы орайда барлық бекеттерде пойыздардың жүріс интервалы уақытша ұзарды. Бұл метродағы жүру қауіпсіздігіне еш әсер еткен жоқ. Мамандар жұмыс жасап, көп ұзамай үйреншікті интервал қайта қалпына келтірілді. Келтірілген қолайсыздықтар үшін кешірім өтінеміз»,-деліген Метрополитен Алматы сайтында.