Алматы маңындағы ауыл енді қала болмақ

Ақорданың баспасөз қызметі Алматы облысының әкімшілік-аумақтық құрылысындағы өзгерістер туралы мәліметті жариялады. Онда Іле ауданындағы Жетіген ауылының Алатау деген қалаға айналатыны айтылған.
«Қазақстан Республикасының әкімшілік-аумақтық құрылысы туралы» Қазақстан Республикасы Заңының 9-бабына сәйкес қаулы етемін:
1.Алматы облысының Іле ауданы одан Жетіген ауылын бөлу жолымен қайта ұйымдастырылсын.
2.Алматы облысы Іле ауданының Жетіген ауылы облыстық маңызы бар қала санатына жатқызылсын және оның атауы Алатау қаласы болып өзгертілсін.
3.Қазақстан Республикасының Үкіметі осы Жарлықтың 1 және 2-тармақтарын іске асыру жөнінде қажетті шаралар қабылдасын.
Осы Жарлық алғашқы ресми жарияланған күнінен бастап қолданысқа енгізіледі» делінген президенттің осы орайдағы жарлығында.
JQ-Aqparat