Алматыда Шәріпов пен Қабанбай батыр көшелері қиылысындағы хостелде таңға жуық өрт шықты. Өрт сөндірушілерді сағат 5:33-те шақырған. 6:22-де өрт толығымен сөндірілді.
Жертөледе орналасқан Almaty Hostel-де 72 адам болған. 59 адам сыртқа шығып үлгерді. 13 адам көз жұмды.
Оқиға орнында болғандар терезесі жоқ бөлмеде матрас өртенгенін айтады.
Алматы әкімдігі баспасөз қызметі 08:40-та өрт орнынан 59 адам эвакуацияланды, оның үшеуі сағат 08:40-қа дейін жедел медициналық жәрдем ауруханасына жеткізілгенін хабарлады. 56 адам жақын маңдағы мектепке уақытша орналастырылды. Ыстық тамақ берілді, қажетті медициналық және психологиялық көмек толық көлемде көрсетіледі. Бір сағат ішінде ауданның қонақ үйлеріне орналастырылады.
JQ-Aqparat
Суреттер: ТЖМ, 2GIS