Алматы әкімі Ерболат Досаев оқиға орнына барды (Видео)

30 қараша 2023, 11:24

Биыл 30 қараша күні шамамен таңғы сағат 5.33-те Әди Шәріпов көшесі, 86 мекенжайындағы «Almaty Hostel» хостелінің жертөлесінен өрт шықты.

Оқиға орнына барған Алматы қаласының әкімі Ерболат Досаев:« Еліміздің Денсаулық сақтау министрлігі бекіткен нормативтік актілер бойынша, жертөлелерде адамдарды тұрғызуға тыйым салынған. Бірақ тамақтану мен санитарлық нормаларға сай құрал жабдықтармен жабдықтауға рұқсат етілген. Бұл жерде неге олардың жертөлеге орналастырылғаны жауапсыз. Өйткені жертөледе асхана, басқа да бөлмелер орналасуы керек. Алдағы уақытта тексерістер жүргізіліп, барлығы анықталатын болады»,- деді.
30 м2 аумақ өртке оранды. Хостел бір жарым ай бұрын ашылған, ғимарат Халық банкке тиесілі, банк оны кепілмүлік ретінде жалға берген.

Бұл хостел Алматы қаласы жоғары оқу орындарымен студенттердің тұруы үшін ынтымақтастық туралы меморандумға қол қойған жоқ. Студенттердің осы хостелде тұруына өтініш түскен жоқ, студенттерді хостелге орналастыру жұмысы жүргізілмеді.