All Давай әншісі 500 адамға дүркіретіп той жасады (фото)

Шоқан Маратұлы мен Әнел Баталова Алматы қаласында шаңырақ көтерді.

Алматы қаласында All Давай тобының әншісі Шоқан Маратұлы мен Әнел Баталованың тойы өтті. Қос ғашық тойды Көк-Төбедегі мейрамханада жасауды жөн көріпті. Неке қию рәсіміне дейін дәстүрге сай «Беташар» жасалды. Қалыңдық ұлттық киім киді. Тойға қос ғашықтың ата-анасы мен жақын достары, туысқандары келген.

Жастар адал болуға сер берісіп, бір-біріне неке жүзігін тақты. Неке қию рәсімін танымал жеңге Айгүл Бабаева жүргізді. «Біз жұмыс істеп жүріп таныстық. Шынымды айтсам, мұндайды күтпеген едім. Екеуіміз қосыламыз деген ой болмады. Әркім өз жұмысымен айналысып жүрді. Бірақ, алғашқы тілдесуімізде оның сұлу әрі ұстамды, ақылды екенін байқадым. Ол мені алғашқы кездесуде-ақ жаулап алды десем болады. Оныс жұмысқа баййланысты кездестіру ұйымдастырып, қарайлай бастадым. Кейін бірнеше рет жолыққанда оның, расымен, ерекше екеніне көз жеткіздім. Үнемі қасымда жүргенін қаладым. Осылайша араласа бастадық. Қуанышыма орай, ол да мені ұнатқан екен», – дейді Шоқан Маратұлы.

Әншінің 23 жастағы сүйіктісі шетелдегі оқуынан жуырда ғана келген. Үлкен тойда қалыңдық киімін өзгертті. Тойға 500-ден астам адам келген екен. Қонақтардың арасында танымал бизнесмендер мен саясатшылар бар. Ән айту үшін Ресейден Валерий Меладзе шақыртылған екен.

Естеріңізде болса, 7 сәуір күні әншінің сүйіктісіне кинотеатрда ерекше ұсыныс жасағаны туралы айтқан болатынбыз. Бұл туралы Tengrinews.kz басылымы хабарлайды.