Алаяқтық жасап, Латвияда қашып жүрген Қазақстан азаматы елге әкелінді (Видео)

23 қараша 2023, 9:56

Латвия Республикасынан Қазақстан азаматы экстрадицияланды. Еліміздің Бас прокуратурасының мәліметінше, күдікті 2016 жылы бір топ адаммен бірлесіп жәбірленушіге өзіне тиесілі емес пәтерді сатқан. Сөйтіп сатып алушыға 12 млн теңге көлемінде залал келтірген.
«Қылмыс жасағаннан кейін күдікті жасырынып, халықаралық іздеуге жарияланған. Кейін ол Латвия аумағында ұсталды. Аталған қылмысты жасағаны үшін мүлкін тәркілеумен 5 жылдан 10 жылға дейінгі мерзімге бас бостандығынан айыру жазасы қарастырылған», – делінген қадағалаушы орган таратқан хабарламада.