Алаяқ жігіт дауысын өзгертіп алдаған (Видео)

24 қараша 2023, 11:44

Атыраудағы полицейлер алаяқтың дауысын өзгертіп, телефон арқылы қалай алдайтынын көрсетті. Polisia.kz Телеграм-каналы жазғандай,
18 қарашада криминалдық полиция басқармасының қызметкерлері «Hi-Tech» іс-шарасы кезінде Krisha.kz сайтында пәтерді жалға беремін деп жалған хабарлама беру арқылы тұрғындардан алдын ала төлем ретінде алаяқтық жолмен ақша иемденген 27 жастағы күдіктіні ұстады.
Күдікті ер адам болса да дауысын өзгертіп, жас қыз немесе әйел адам болып телефон арқылы оңай алдап отырған. Пәтер жалға алу хабарламасы бойынша 37 жастағы қала тұрғыны Whatsapp әлеуметтік желісі арқылы хат алмасып, күдіктіге алдын ала 50 000 теңге ақша қаражатын аударған.
Тергеу кезінде күдіктінің осындай 3 қылмыстық іске қатысы бары анықталды.
ҚК-тің 190-бабы 3-бөлігімен сотқа дейінгі тергеп-тексеру басталды.