Әл Фараби даңғылындағы апат: жүргізуші есінен танып қалған (Видео)

14 қантар 2024, 20:46

Бүгін түстен кейін Алматыдағы Әл Фараби даңғылында «Toyota-70» автокөлігі алдымен автобусқа, содан кейін патруль машинасына барып соқтығысты.
Полиция департаментінің баспасөз қызметі хабарлағандай, «Toyota» автокөлігінің жүргізушісі әл-Фараби даңғылымен батыс бағытта келе жатып, Достық даңғылының қиылысында есінен танып қалған. Сол себепті Достық даңғылының бойымен оңтүстік бағытта келе жатқан автобуспен соқтығысқан. Одан әрі Toyota жол бойында тұрған «Chevrolet» патрульдік көлігіне соғылған.

«Toyota» жүргізушісі мен полиция қызметкеріне медициналық көмек көрсетілді.
Оқиғаның мән-жайы анықталып жатыр.