Ақтөбеде құтқарушылар ақтүтек боранда 18 шақырым жаяу жүрген (Видео)

08 ақпан, 18:43

Ақтөбелік құтқарушылар науқасты ауруханаға жеткізу үшін 18 шақырым бойы жол талғамайтын көліктің алдында ақтүтек боранда жаяу жүрді.
Құтқарушылардың бірі, қарауыл бастығы Ақдәулет Әли: «Қандыағаш қаласындағы бөлімге Еңбек ауылдық округі, Басшилі елді мекенінде 73 жастағы әйел адамның ауыр халде жатқаны туралы хабарлама түсті. Оны аудандық ауруханаға жеткізу керек болды. Трэколмен шықтық. Ауа райының қолайсыздығынан көлік алдына екі адамнан кезектесіп шығып, жүгіріп отыруға тура келді. Өйткені, қарға адым жерді көру мүмкін емес еді. Мұндай жағдайлар болып тұрады. Ерлік жасадық деп айта алмаймын. Бұл — біздің міндетіміз», — деді.