Ақтаудағы «Rixos Water World Aktau» қонақ үйі аққудың қырылуына қатысты түсінік берді.
Lada.kz хабарлағандай, «Rixos Water World Aktau» менеджері Серік Исағалиев Қаракөлге тазарған кәріз суының құйылып келгенін растады. Оның мәлімдеуінше, орталықтандырылған кәріз жүйесі жоқ болғандықтан, қонақ үй салынып жатқанда тазартылған кәріз суын көлге жіберу жөнінде шешім қабылданып, бекітілген. Ол қажетті рұқсат қағаздары бар екенін де айтты.
«Су тазартылады. Біріншіден, пайдаланылған су 250 текше метрлік екі жинақтау ыдысына құйылып, онда бактериялармен өңделеді. Келесі кезеңде сүзгіден, мембранадан, химиялық тазартудан өтеді. Содан кейін тазартылған су резервуарға құйылады. Сол жерден біз оны Қаракөлге ағызамыз», — дейді қонақ үйдің бас менеджері.
Оның айтуынша, 2023 жылы қонақ үй орталық кәріз жүйесіне қосылыпты. Қазір ғимарат ішінде қайта құрылымдау жұмыстары жүріп жатыр. «Алдағы бір-екі аптада біз орталық кәріз жүйесіне қосыламыз, сол кезде Қаракөлге су ағызбаймыз», — дейді ол.
JQ-Aqparat