Ақша жеуден “Қазпоштаның” қызметкерлері де қалыспайды

Ебін тауып екі асады! “Қазпошта” АҚ кассирлері азаматтардың төлқұжат пен жеке куәлікті рәсімдеу үшін төлеген мемлекеттік алымның бір бөлігін жымқырып келген.

Қаржы мониторингі агенттігінің баспасөз қызметі хабарлағандай, «Қазпоштаның” Алматы облысы Жамбыл аудандық бөлімінің қызметкерлері мұндай заңсыз әрекетпен 2021-2023 жылдары айналысқан. Олар мемлекетке төленьбеген алымдар үшін көші-қон полициясына жалған түбіртек өткізіп отырған. Осылайша, кассирлер 84 млн теңгені қалтаға басады.
Агенттіктің хабарламасында Алматы облыстық прокуратурасының үйлестіруімен аталған дерек бойынша сотқа дейінгі тергеу басталғаны айтылды.

JQ-Aqparat