«Әйелім медальдан қымбат». Елдос Сметов қитұрқы сұраққа жауабын берді

Париж Олимпиадасынан алтын әкелген дзюдошы Елдос Сметов Динара Сәтжанның ютуб арнасына сұхбат берді.

Д.Сәтжан оған: «Медаліңізді қанша адам ұстады және оны жаныңызға алып ұйықтайсыз ба» деген сұрақ қойды.
Елдос Сметов: «Медалімді қанша адам ұстағанын айту қиын. Бірақ өте көп адам ұстағаны анық. Ал медалімді Олимпиададан кейін алғашқы бір аптада басыма жастап жаттым»,- деді.

«Ал қазір ше, әйеліңіз үшеуіңіз бірге ұйықтайсыздар ма?» деген Динараның сауалына ол:
«Мен Олимпиада чемпионы атанғанда әйелім қасымда болған жоқ. Сол себепті медальді басыма жастап ұйықтадым. Ал қазір медаль үйде өз орнында ілініп тұр. Өйткені медальдан әйелім қымбат», — деп әдемі жауап берді.

JQ-Aqparat