Айару Бақытбек: Мені үйсіз адамдар емес, иттер көбірек алаңдатады

Баян Мақсатқызының кенжесі болашақ жоспарларын бөлісіп, әлем бойынша көп мейрамхана ашқысы келетінін айтты. Мұнымен қатар, иттер үйін ашуды жоспарлап жүр екен.

Бұл туралы 31 арнаның “Айта берсін” бағдарламасында айтылды.

“Болашақта тамаша жоспарларды жүзеге асырмақпын. Жақындарым мен ата-анамның үміттерін ақтағым келеді. Бірінші кезекте, өзімнің. Біз барып жүрген әуежайларда Starbucstar өте көп. Мен де бизнесімнің дәл солай таралғанын қалаймын. Әлем бойынша бірнеше мың мейрамхана ашқым келеді. Мұнымен қатар, қонақ үй мен иттерді бағатын үй ашпақпын. Мені үйсіз адамдар алаңдатпауы мүмкін. Бірақ, үйсіз иттер үшін алаңдаймын. Оларға арнап иттер үйін ашқым келеді”, – дейді Айару Бақытбек.

Продюсердің кіші қызы, мұнымен қатар, жазғы демалыста немен айналысып жатқанын айтты.

“Өзімді дамытуды жоспарлаған болатынмын. Күн сайын түрлі тағам әзірлеп, өзім үшін жаңа бірнәрсе білуге тырысамын. Аспаздық арқылы ақша тапқым келеді. Бірақ, мамандар мұның оңайға соқпайтынын айтып жатыр. Әзірге балалық шағымды ойдағыдай өткізіп алайын. Көп ұзамай өз еңбегіммен ақша табатын боламын”, – дейді Айару Бақытбек.

stan.kz