Мәдениет және ақпарат министрі Аида Балаева Алматы облысына жұмыс сапары соңында өңірлік және республикалық БАҚ өкілдерімен кездесті. Министр отандық медиасфераны дамытуға қатысты өзекті сұрақтарға жауап берді.
БАҚ өкілдерін «Масс-медиа туралы» заң жобасының негізгі новеллалары, журналистердің мәртебесін көтеру, газеттердің баспа басылымдарын, кәсіби журналистиканы дамыту мақсатында Министрлік қабылдаған шаралар қызықтырды.
«Мәжілістің бірінші оқылымында «Масс-медиа туралы» заң жобасы әзірленіп, мақұлданды. Онда саланы дамыту үшін барлық жағдай қарастырылған.
Біз сіздерге барынша жағдай жасау үшін жұмыс істеудеміз, баспа басылымдары немесе электрондық БАҚ болсын, мүмкіндігі шектеулі жандардың ақпаратқа қолжетімділігін қамтамасыз ету үшін, сапалы контент жасау үшін техникалық шарттарды пысықтаудамыз. 6000-нан астам журналист оқу курстарынан өтті. Бұл бағыттағы жұмыс 2024 жылы жалғасатын болады», — деп қорытындылады Аида Балаева.
JQ-Aqparat