Африканың ең бай адамы Арсенал клубын өзбек олигархынан сатып алмақшы

Африканың ең бай адамы Алико Данготе лондондық «Арсеналды» сатып алу туралы ниеті бар екенін жеткізді деп хабарлайды шетелдік БАҚ-қа сілтеме жасаған NUR.KZ.

Оның сөзінше, қазір ол Нигерия аумағында мұнай өңдеу зауытының құрылысымен айналысуда.

«Сол жұмысым біте салысымен бірден «Арсеналға» кірісемін. Тіпті клуб сәтсіздіктерге тап болып жатса да, мен оны қолдаймын. Олар үздік команда, егер оның иесі болсам, жағдайы одан әрі жақсара түседі», — дейді Данготе.

Бизнесмен клубты қазіргі иелері америкалық Стэн Кронке (акцияның 67 %) мен ұлты өзбек Әлішер Усмановтан (акцияның 30%) сатып алуға мүмкіндігі жететініне сенімді.

«Егер оларға жақсы ұсыныс тастаса, олар орындарын босататына сенімдімін. Оларға лайықты ұсыныс жасайтын адам табылады», — дейді Данготе.

Мамыр айында Усманов Кронкеге «Арсенал» акцияларының бақылау пакетін 1,3 млрд еуроға сататынын жеткізді, алайда ұсыныс қабылданбады.