Абай облысы Аягөз ауданында өзенде қалған екі адамды іздеп жатыр.
26 наурызда Аягөз ауданында 66 және 38 жастағы екі адам «МТЗ 82» маркалы трактормен Борлы өзенінен өту кезінде жоғалып кеткен. Олар «Шалқар» қосалқы шаруашылығынан Қарағаш ауылына қарай жолға шыққан.
Облыс әкімдігінің баспасөз қызметі хабарлағандай, ер адамдар жолды қысқарту үшін өзен арқылы өтпек болған. Алайда өзен ортасында тұрып қалған. Оқиға орнына келген құтқарушылар адамдарды таппады.
Іздестіру жұмыстарына Абай облысының ТЖД, Полиция департаменті, жергілікті атқарушы органдар мен әскерилерден жалпы саны 41 адам, 4 жүзу құралы, 5 техника, 3 пилотсыз ұшу аппараты жұмылдырылды.
JQ-Aqparat