Ақтауда әскери борышын өтеп жүрген сарбаз қашып кетті

Ақтаудағы №6656 әскери бөлімшеден бір сарбаз қашып кеткен; тағы бірі қолын кесіп алып, ауруханаға жатқызылды.

Ақтауда әскери бөлімшеден қашып кеткен сарбаз іздестіріліп жатыр.

Сарбазды іздеу сәрсенбі күні кештен бастап жүргізілуде. Қарағанды облысынан келген 21 жастағы жігіт өз бетімен рұқсатсыз кетіп қалған.

Ол емханаға тексерілуге жібергенін пайдаланып қашып кетіпті.
Сонымен бірге, сәрсенбі күні осы әскери бөлімшенің тағы бір сарбазына қатысты келеңсіз жайт болды.

Жігіт қолын кесіп алып, ауруханаға жатқызылған. Ауруханада хабарлағандай, сарбаз құлаған айнаны ұстап қаламын деп қолын кесіп алыпты. Абырой болғанда, күре тамырға тимеген екен.

sputniknews.kz