Ақтөбеде әнұранға құрмет көрсетпеген сақалды жігіттер көпшіліктің ашуына тиді (видео)

Ақтөбеде орталық стадиондағы футбол ойынының басында қосылған ел əнұранын елемеген сақалды жігіттердің əрекеті көпшіліктің ашуына тиді. Бұл туралы Nur.kz сайты хабарлады.

Тұрғындар мемлекетіміздің əнұраны ойнаған кезде орындарынан тұрмаған екеуді видеоға түсіріп, Instagram парақшасына салған.

Ақтөбе мен Қайрат командаларының ойыны кезінде өздерін көпшіліктен бөлек ұстаған дін өкілдеріне қатысты қалалық мешіттің бас имамы пікір білдірді.

«Бір жорықта мұсылмандардың əскері аз болған. Кəпірлердің əскері өте көп болады. Оларды көрген кейбір сахабалар тайсалып қалады. Сол кезде Абударда əнұран секілді адамға рух беретін суырып салма өлеңін айтады. Сол кезде сахабалар жігерленіп, соғыста жеңіп шығады.

Осы жерде ғалымдар әнұранды айтуға да, тыңдауға да болатынын айтады. Тек онда шариғатқа қарсы келетін сөздер болмау керек. Ал қазақ елінің əнұранында шариғатқа тіл тигізетін сөздер жоқ. Керісінше, адамға күш, рухани жігер беретін сөздер бар. Барлық ислам мемлекеттерінің өз əнұраны бар. Олар əнұранды айтады, тыңдайды»,- дейді Ақтөбе қалалық мешітінің бас имамы Амантай Сəдуов.

Добрый день. Были на последнем матче Актобе-Кайрат. И заметил такую картину. Играл гимн нашей республики. И молодые люди просто игнорировали его. Не знаю уместно тут или нет, но просто интересно. Разве религия мешает патриотизму? Ведь у нас больше половины населения мусульман, и многие подают пример доброты и человечности. Разве можно не уважать Гимн и традиции страны в котором родился и живёшь?

Публикация от ZELLO AKTOBE — OFFICIAL PAGE (@zello.aktobe) Авг 3 2017 в 1:36 PDT