АҚШ түрмесінде күзетшілерге шабуыл жасалды

25 мамыр 2017, 18:20

АҚШ-тың Калифорния штатындағы қатаң тәртіптегі Pelican Bay түрмесінде төбелес шығып, күзетшілерге шабуыл жасалды.

15 адам зардап шеккен. Жарақат алғандардың 8-і күзетші, қалғаны сотталғандар. Жергілікті биліктің мәлімдеуінше, тәртіпсіздік абақтыдағы екі адамның бір-бірімен сөзге келіп, жұдырықтасуынан басталған. Осыдан кейін сотталғандардың бірнеше тобы төбелес болып жатқан жерге жақындап келіп, күзетшілерге тарпа бас салған. Салдарынан сақшылар қару қолдануға мәжбүр болған. Ал 1989 жылы салынған түрмеде қазіргі уақытта 2 мың адам жазасын өтеп жатыр.

24.kz