Ақмола облысында қатты жел ағаштарды жұлып, үйлердің шатырын ұшырды

Ақмола облысында соққан қатты жел ғимараттардың шатырын ұшырып, автокөліктерге зақым келтіріп, ағаштарды жұлып әкетті.

22 мамыр күні жедел қызметтер дабылды ескерту жариялаған болатын: 23 мамырда түнде желдің екпіні кей жерлерде 15-20 м/с, күндіз ұйытқуы 25 м/с дейін болады де күтілген.

23 мамырда бүкіл облыста үш рет қауіпті метеорологиялық құбылыс орын алды. Атбасарда күндіз сағат үштен соң қатты дауыл салдарынан бес қабатты тұрғын үй мен «№1 өнеркәсіптік-техникалық колледждің» төрт қабатты ғимаратының шатыры бұзылды.

Степногорда кешкі сағат бес жарым кезінде жылдамдығы 30 м/с жел «Жұлдыз» жаздық мейрамханасының шатырын құлатты, салдарынан үш жеңіл көлікке зақым келген.

Атбасар ауданы Новосельское ауылында кешкі сағат тоғыз шамасында қатты жел орта мектептің шатырын ұшырып әкеткен, сондай-ақ 16 су ағызғышқа зиян келген.

Барлық оқиғада зардап шеккендер мен қаза тапқандар жоқ.

sputniknews.kz